Delalê mı!.. Çımuny mıd tı yo vılla
Ez bılbıla; tı sêr gılidy yo gula
‘Heskerdişy tuı semêdy qêlby mı bı çıla
Ez şewo ruec adiry ‘eşqid vêşena
Şewo ruêcy mı ho pê ‘hesrêty tuı vıerenw
Vêr çımuny mıd ğıyalê tuı tim gêrenw
En zervêşaye, semêdy ‘eşqy tuı mırenw
Ez şewo ruec adiry ‘eşqid vêşena
Rındê tuı, aqıl sarê mıd nıverda
İnsaf mer’hemet tuıd çinyu, ez merda
Derduny tuı, kuıluny tıuı ez pênid werda
Ez şewo ruec adiry ‘eşqid vêşena
Vılllê mı, delalê mı, ğezalê mı
Dılê mı, hem gulê mı, zelalê mı
Hem dunyad, hem axretıd havalê mı
Ez şewo ruec adiry ‘eşqid vêşena
Ez tuı niviny; ruec nıvıerenw, nıqêdyenw
Sinayê tuı rueco ruec ho mıd zêdyenw
En bedêny mı pê adiry ‘eşqy tuı ‘helyenw
Ez şewo ruec adiry ‘eşqid vêşena
Çimy mı; bi tuı, yona rındê nıvinêny
Lêwy mı; bi tuı, yona rındiry nıwiyêny
Dêsy mı; bi tuı, yona rındır nıgınêny
Ez şewo ruec adiry ‘eşqid vêşena
En Feqir vunw: Tiz bi; ‘eşq bık temaşa
Temaşa bık; ez sêni ‘eşqıd vêşa
Hem vêşa, hemiz pê en adiry pêşa
Ez şewo ruec adiry ‘eşqid vêşena
Abdullah NARİN
23.11.2019 Darêyêni