Bingöl genç haberleri google
Bingöl genç haberleri google
DOLAR 18,5343 % 0.05
EURO 18,0678 % -0.04
GRAM ALTIN 985,30 % -0,23
ÇEYREK A. 1.610,96 % -0,23
BITCOIN 364.613 3.965
ÜYE PANELİ
SON DAKİKA
hava
Google News

ZON MA ZAZAKÎ HO BENU VÎN

“ ’Erdo ‘ezmo bîyayîş yîn, qêde qêde zon û rengî şıma, bîyayiş ayetî Humê ra yo ayetî.În ıd merdım zonayon ır ayetî zexf muxîm êstî.”(Rum:22)

Son Güncelleme :

20 Şubat 2014 - 14:52

/ 105 views kez okundu.
ZON MA ZAZAKÎ HO BENU VÎN

          Komık zon dayî  kerdu vîn se aw, rî ‘erdoser xûz kenu vîn. Komık zon xu vinuk se seq xu vinuq. Mêrdış zon, merdış yo qomo. Awıq zon dayî hol nêzon se, aw ay zono bînînoz hol nêmusenu.Ma tarîxıd vîneniq komık war zon xu nevîcyo se zexf rexat bi fılke û bî vıla.Wextra wext hem xu, hemiz vîzêr û êr xu keni xu vîra.Komık war zon xu vicyo se aw çendaye zulm vinuz hena  xu pawenu, vin nêbenu,’erdo ser benu yo qoma pîl, tarîxıd cay xu gênu.Komıq qayîl nêw ’esıl xu vinuq aw gereqa vercyu war zon xu vecû.Komyo qom vonak ez esta se aya pe zon xu esta,zonya bıbu vînse yazî wext yenu bena vîn.Zon ze şît dayî hîsonir xelalu.Zon ze dayi ma ri qıymetliyo,ço çıqêde nêşqenu qıymêt dayî bıxesewn se, zonîz ço nêşqenu belu yo qıymet bıdıcı,çım qîymet zon nênu xesaw.

 

 

            Dîyarıd mı yo ayet nuşt, êna ayet ıd ma vîneniq Huma’z zaf qıymet do zon.Zon, ayeton ra yo ayetu,ço nêşqenu zon înqar bıku,ço nêşqenu vacu yo zon ir en zon çinu.Komı êna vacu se sek vera ayetî Huma ri vicyenu.İslom’îd kom çıqêde wazen se gêreqa aw uqede qıse bıqer.Zon ma Zazakî, nîzdî 5 mîlon xîson ho qıse qenu,feqet roj ra roj en humar ho benu kêm.  Zon ma êna şûse benu vîn.Suwa êna yo zon nêmonenu.UNESCO’z 2009 ıd  vatuq çend zoni benî vîn.În zonon ra 15 xebî he Turkîyed û in zonon ra yo zonız Zazakîa.UNESCO en vatış 21 Suwat “ Dûnya Rojî Zonî Dayî”d vatu.Eyrız rojon ra 21 Suwatu.Sêr aya xewera ponc sêr vertî, ma ên gurî ser hema zaf yo cexde nê gureto. Tıra gure rındîz he beni feqet în besni.Mesela tıra universitonıd en zon ser xewati he beni inonra yo universte ma Çoliqa yoz aya Dersim,Mardin û Muş’ıd zon sêr xewat ha vırazyêna.Bê in guro tewirna xewatız he yeni meydon,in seronıd zon ma serd nuştışiz ho bû zêdî.Tı ra mektewon ıd dersa vecnayond wendış vırazyenu la în xewt ız kemî.Gereka în xewatî bıbî zêdî.

 

 

        Vînbîyayiş în zon ma gereqa vıneru,vınertış în zon pê ma benu,eq ma war zon xu nêveci se ço nênu war zon ma nêvîcyenu, en semed ra en gure ma ser bîyo farz.Vînbîyayiş zonma se gureq ho asiyenu benu lez, gereqa ma vernîye în gurê bîg.Xetonıq mara yena ma ser în gurêd gereqa vıner.Ay verino çıqedeq en zon pê vatış ardu resno ma, gereqa maz war în zon vecî,hem pê zon xu qıse bıq hemiz nuştış vıraz .Ayiq mara pê yenî ma en zon yîn ır verd,wa zonma vîn nêbu.Vercû zon ma zî yo zonêq pîlub,herg çî tede rexat amene vatış feqet wextra wext kotu bîn tesir ay zonon bîno û zehfîn çeku tede bî vîn.Zon ma zaf cura pe amo nuştış.Ma ekera pe ay veriniq(axtiyar) hema he gone ma gereqa aynodır qıse bıq,çıqaq çequ estu se ma gereqa bınusn,xuvîra nêq.În çeqo pêruno biyar yo ca,  îno qısekerdış ıd  ma bışuxuln.Meqtewon ıd en zon nêw wendış se lez benu vîn.Ma qayılık zon dayî mektewond  bû wendış. Zonî Zazakî ser gereka televizyonıd yo kanal bıb a,în kanal ıd semedi qıjo(tuton) program gereka vırazî.Ma qıjon xud êr ra pe Zazakî qısebık.Ma êr ra pê,pê zon xu nuştış u wendış bık.Çend en gure zor asiyen se ma gereka xeq în gurê  ra bı.  Komık zon xu, xu vîrak û pe zon şarî qıse bık se aw xura xêr nêvinenu,’edeton xu,’esıl xu maneviyat xu çerê nêşqenu muxafaza bıqu,kon bin tesir yona zon û qom, benu vin şınu.Gelo umbazo,wayo,apo,xalo,xalê, bırayo,xorto u qıjo bêren ma Zazakî bımus,bınus,bıwon û bıdı wendış…Şıma bımon xêr.

 

 

Nuştox: Hatip ERDOĞMUŞ*

 

* Muş Alparslan Üniversitesi Kürt Dili ve Edebiyatı Öğretim Elemanı.